4 Libros con preto de 200 xogos e un CD con cancións.

En cada un dos xogos veñen indicadas as súas características (grao de actividade, se ha de ser dirixido por un adulto, se é un xogo de interior ou de exterior...).
Ó final de cada xogo engadíronse outros de tipo tradicional.
Tamén conteñen refráns, adiviñanzas, trucos de maxia, cancións, etc.

Vén incluído un CD coas cancións que aparecen nos libros. Cada unha das cancións vén en 3 versións diferentes: a canción completa (con música e voz para que sexa recoñecible); só a letra (para que a aprendan) e só a música (para que os nenos a poidan cantar).

O feito de que se trate dun volume dedicado ós xogos de interior non quere dicir que os participantes teñan que estar sempre sentados. Procurouse que algúns destes corenta xogos proporcionen, tamén, algún dinamismo controlado. A pesar de tódolos adiantos actuais (vídeos, ordenadores, xogos electrónicos...), os nenos seguen a ter necesidade de afecto, agarimo e atención individualizada, especialmente cando han de ficar na cama uns días por calquera das indisposicións normais á súa idade. Por isto seleccionáronse varios xogos sinxelos nos que se practica unicamente coa palabra e coa vista.
Corenta xogos que se poden realizar no exterior, aínda que hai algúns que se poden adaptar a un interior amplo sen se modificaren demasiado. Están explicados sinxelamente e de xeito gradual, para que de seguida se poida comezar a xogar e logo se poidan engadir dificultades subindo o nivel, especialmente para os que son un pouco maiores e lles gusta superarse.
Nos xogos seleccionados destacan tres obxectivos principais. Primeiro: o propiamente educativo que incumbe a tódolos xogos: saber gañar, saber perder, asumir un certo risco, o espírito de equipo e a sociabilidade. Segundo: a melloría e precisión da linguaxe, a expresión oral ou escrita, a descrición, a imaxinación. Terceiro: a comprobación de que case tódolos xogos precisan un espacio, unhas normas e unha preparación previos ó xogo propiamente dito.
Os sentidos corporais son precisos para tódolos xogos; pero nos que se reúnen neste libro destácase a función dalgún deles. Neste libro altérnanse xogos de interior e de exterior, así como outros moi axeitados para soportar mellor as longas esperas ou as viaxes en coche. Pero, ademais dos sentidos corporais, son necesarias outras actividades que se poden cualificar de sentidos intelectuais, como son a atención, a rapidez de reflexos, o coidado ou esmero ó facer algo, o equilibrio e tantas outras calidades que se precisan para a vida, igual que para o xogo.


Os catro libros que forman a colección non están dedicados exclusivamente a monitores e educadores ou pais, senón que, coas súas alegres ilustracións e coidada presentación, permiten que sexan os mesmos nenos os que poidan utilizalos directamente. Procurouse que o texto fose sinxelo e ameno, ademais de preciso. A aparente simplicidade de moitos xogos non ten que enganar sobre os seus resultados, especialmente se se ten en conta que divertir e entreter segue a se-lo obxectivo principal cando se trata da formación do neno.
O xogo é unha aprendizaxe da vida
e unha necesidade
para o desenvolvemento do individuo:
hai que aplicarse a xogar
e procurar que o xogo sexa
un pracer, un aliciente e un reto.