Quessada non é só un pintor: el só representa a historia da pintura, unha enciclopedia pictórica. Sendo sempre el mesmo, pois Quessada posúe unha das personalidades máis vigorosas e fascinantes que coñezo.

Darío Villanueva

Do seu compromiso coa liberdade, coa democracia, contra calquera inxustiza, hai centos de obras importantes en museos, institucións públicas e coleccións privadas. Da xenerosidade e disposición para colaborar cos que desde outros campos defenden as mesmas ideas, saíron obras mestras, espontáneas, fermosas, que desempeñarán un papel importante para divulga-la mensaxe que pretendía. Loitas que forman parte da nosa historia tiveron a colaboración de Xaime Quessada.

Manuel Peña Rey